जोडिनुहोस
  • होमपेज
  • ओलम्पिक छनोट : नेपाल र इन्डोनेसिया भिड्दै, दुवै देशका लागि सान्तवना खेलमात्र

ओलम्पिक छनोट : नेपाल र इन्डोनेसिया भिड्दै, दुवै देशका लागि सान्तवना खेलमात्र
नेपाली टोली । फाइल तस्वीर

काठमाडौं-ओलम्पिक छनोटबाट बाहिरिसकेका नेपाल र इन्डोनेसियाबीचको खेल आज (मंगलबार) हुँदैछ । नेपाली राष्ट्रिय महिला फुटबल टोलीले प्रतियोगिताको अन्तिम खेलमा इन्डोनेसियासंग प्रतिस्पर्धा गर्दैछ ।

लगातार दुई खेलमा पराजित भएको नेपाल इन्डोनेसियासँग सान्त्वना जीतको खोजिमा रहेको छ भने इन्डोनेसिया पनि नेपाललाई रोक्दै प्रतियोगितामा पहिलो जीतको खोजिमा छ । खेल नेपाली समयअनुसार दिउँसो पौने तीन बजे सुरु हुनेछ ।

यसअघि भएका दुबै खेलमा नेपाल र इन्डोनेसियाले हार ब्यहोरेका थिए । एक खेल अघिनै प्रतियोगिताबाट बाहिरिसकेका दुवै टोली पहिलो जितको खोजीमा छन् ।

छनोटको पहिलो खेलमा नेपाल आयोजक म्यानमारसँग ३-१ गोल अन्तरले पराजित भएको थियो । दोस्रो खेलमा भारतसँग पनि समान ३—१ गोल अन्तरले पराजित भएको थियो ।

फिफा वरियतामा इन्डोनेसिया नेपाल भन्दा निकै माथि छ । इन्डोनेशिया ८६ स्थानमा र नेपाल १०३ औ स्थानमा छ ।

सन् २०२० मा टोकियोमा हुने ओेलम्पिक एसिया छनोटको पहिलो चरणको खेलमा नेपालले आयोजक म्यानमार, भारत र बंगलादेशसँग समान १–१ को बराबरी खेल्दै दोस्रो चरणमा स्थान बनाएको हो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका