जोडिनुहोस
बिहिबार, कार्तिक ११, २०७८
बिहिबार, कार्तिक ११, २०७८
alt
  • होमपेज
  • गैंडाको शिकार गर्न गएका शिकारी सिंहको आहारा बने

गैंडाको शिकार गर्न गएका शिकारी सिंहको आहारा बने
प्रतिकात्मक तस्वीर

दक्षिण अफ्रिका– दक्षिण अफ्रिकाको जंगलमा अवैधरुपमा गैंडाको शिकार गर्न गएका एक जना शिकारी हात्तीको आक्रमणबाट मारिएका छन् ।

शिकार गर्नको लागि जंगल छिरेको बेला जंगली हात्तिले कुल्चेर उनको मृत्यु भएको जनाइएको छ । हात्तीको आक्रमणबाट मृत्यु भएका उनलाई सिंहले खाएको अवस्थामा शव फेला परेको जनाइएको छ ।

घटनाको दुई दिनपछि विहीबार मात्र उनको शरीको केही अवशेष र उनले लगाएको कपडामात्र फेला परेको थियो । मारिएका शिकारीका सहकर्मीले उनका परिवारलाई उनी हराएको जानकारी गराएका थिए ।

घटनाबारे थाहा पाएर गत मंगलबारबाट दक्षिण अफ्रिकाका बनपाले र केही सुरक्षाकर्मीले उनलाई खोज्ने अभियान शुरु गरेका थिए । खोजी गर्ने क्रममा उनको कपडा र शवको अवशेष फेला परेको हो ।

‘घटनास्थलमा देखिएको अवशेषको विश्लेषणबाट उनको शव सिंहको समूहले खाएको संकेत देखिएको छ । घटनामा उनको कंकाल र उनले लगाएका कपडामात्र फेला परेको छ ।’ दक्षिण अफ्रिकाको राष्ट्रिय निकुञ्जका  अधिकारीले जनाएका छन् ।

दक्षिण अफ्रिकाको क्रुगेर राष्ट्रिय निकुञ्जमा २ हजारभन्दा धेरै सिंह रहेको बताइन्छ । क्रुगेर राष्ट्रिय निकुञ्जका अधिकारीले मृतकका परिवारप्रति श्रद्धाञ्जली दिएका छन् । यससँगै क्रुगेर राष्ट्रिय निकुञ्जले गैर कानूनी रुपमा निकुञ्ज प्रवेश नगर्न समेत आह्वान गरेको छ ।

त्यस्तै, शिकारीसँगै राष्ट्रिय निकुञ्ज प्रवेश गर्ने उनका सहकर्मीलाई गिरफ्तार गरिएको प्रहरीले जनाएको छ । केही दिनअघि चारजनाको समूहमा दक्षिण अफ्रिकाको क्रुगेर राष्ट्रिय निकुञ्जमा गैंडाको शिकार गर्ने उद्देश्यले गैरकानूनी रुपमा छिरेका थिए ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका