जोडिनुहोस
  • होमपेज
  • एफए कप : उपाधि भिडन्तमा सिटी र वाटफोर्ड

एफए कप : उपाधि भिडन्तमा सिटी र वाटफोर्ड

काठमाडौं – वाटफोर्डका गेरार्ड ड्युलोफ्युले खेलको अतिरिक्त समयमा गोल गर्दै टिमलाई एफए कपको फाइनलमा पुर्‍याएका छन् । आइतबार राति भएको खेलमा वाटफोर्डले वोल्भरह्यामटोन वान्डेररर्सलाई ३—२ गोल अन्तरले पराजित गर्दै फाइनलमा स्थान बनायो ।

ड्युलोफ्युले खेलको १०४ औं मिनेटमा गोल गर्दै टिमका लागि मत्वपूर्ण र व्यक्तिगत दोस्रो गोल गरे । यसअघि निर्धारित खेलको ९० मिनेटसम्म वाटफोर्ड र वोल्भरह्यामटनले २-२ गोल बराबरी खेलेपछि खेलमा ३० मिनेट थप गरिएको थियो ।

खेलको २६ औं मिनेटमा वोल्भरह्यामटोनका माट्ट दोहार्टीले टिमलाई अग्रता दिलाएका थिए । पहिलो हाफमा १-० पछि परेको वाटफोर्डविरुद्ध खेलको ६३ औं मिनेटमा राउल जिमिनेजले गोल गर्दै टिमलाई दोहोरो अग्रता दिलाए ।

२-० गोलले पछि परेको वाटफोर्डलाई खेलमा फर्काउन ड्युलोफ्युले ७९ औं मिनेटमा पहिलो गोल फर्काएका थिए भने खेलको अतिरिक्त समयमा पाएको पेनाल्टीको सदुपयोग गर्दै टोरी डिन्नेले खेल २-२ को बराबरीमा पुर्याए ।

निर्धारित समयसम्म २—२ गोलको बराबरी भएपछि खेलमा ३० मिनेट थप गरीएको थियो । थप गरीएको समयमा गोल गर्दै ड्युलोफ्युले एफए कप उपाधिको लागि म्यान्चेस्टर सिटीसँग खेल्ने भएको छ । वाटफोर्डले यसअघि नै फाइनल प्रवेश गरीसकेको म्यान्चेस्टर सिटीसँग उपाधिका लागि प्रतिस्पर्धा गर्नेछ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका