जोडिनुहोस
बिहिबार, कार्तिक ११, २०७८
बिहिबार, कार्तिक ११, २०७८
alt
  • होमपेज
  • नागरिकता विधेयक खारेजीको माग राख्दै माइतीघरमा प्रदर्शन

नागरिकता विधेयक खारेजीको माग राख्दै माइतीघरमा प्रदर्शन

काठमाडौं– नागरिकता संशोधन विधेयक तत्काल खारेज गर्न सरकारसँग माग गर्दै आइतबार काठमाडौंको माइतीघर मण्डलामा प्रर्दशन गरिएको छ ।

नागरिकता विधेयकविरुद्ध संघर्ष समन्वय समिति नाम दिइएको समूहले सरकारले ल्याएको नागरिकता संशोधन विधेयक राष्ट्रघाती रहेको भन्दै तत्काल खारेज गर्न माग गर्दै विरोध प्रर्दशन गरिएको हो ।

विरोध प्रदर्शनमा नेपाल कम्युनिष्ट पार्टी (मसाल), नेपाल कम्युनिष्ट पार्टी (माले), राष्ट्रिय जनमोर्चा लगायतका पार्टीका नेता, कार्यकर्ताहरु सहभागी भएका थिए ।

उनीहरुले सरकारले एकपछि अर्को राष्ट्रघाती कदम चालेकाले त्यसलाई रोक्न विरोध प्रर्दशनमा उत्रनु परेको बताए । उनीहरुले नागरिकता छानविनका लागि तत्काल उच्चस्तरीय छानविन आयोग गठन गर्न पनि सरकारलाई दबाब दिएका छन् ।

प्रर्दशनकारीहरुले ‘गैरकानुनी नागरिकताको प्रमाण पत्र खारेज गर्ने सर्वोच्च अदालतको निर्णय लागू गर’, ‘नेपाल–भारत खुला सीमाना नियमन गर’ लेखिएको प्ले कार्ड प्रदर्शन गर्दै सरकारविरुद्ध चर्का नारबाजी पनि गरेका थिए ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

प्रचलन खबर

धेरै टिप्पणी गरिएका