आइसीसी एकदिवसीय विश्वकप क्रिकेट अन्तरगत जारी दोस्रो सेमिफाइनलको खेलमा साविक विजेता अष्ट्रेलियाले घरेलु टोली इङल्याण्डसामु २२४ रनको सामान्य लक्ष्य पेश गरेको छ ।
टस जितेर पहिले व्याटिङ गरेको अष्ट्रेलिया ४९ ओभरमा अलआउट हुँदै २२३ रन मात्रै जोड्न सक्यो । खराब सुरुवात गरेको अष्ट्रेलियाको पारी स्टिभ स्मिथ र एलेक्स केरी सम्महालेका थिए । यी दुईले १०३ रनको शतकिय साझेदारी गरेका थिए । स्मिथ ८५ रन बनाएर आउट भए भने केरी ४६ रनमा आउट भए । अष्ट्रेलियाले १३ रनकै अवस्थामा महत्वपूर्ण तीन विकेट गुमाएको थियो । ओपनर डेविड वार्नर ९ र कप्तान एरोन फिन्च खाता नखोल्दै आउट भए भने ह्याण्डसकव ४ रनमै आउट भए । महत्वपूर्ण तीन विकेट गुमाएपछि अष्ट्रेलिया पूर्ण रुपमा दवाबमा परेको थियो ।
अष्ट्रेलियाका लागि मिचेल स्टार्कले २९, ग्लेन म्याक्सवेलले २२ रन बनाए । इङल्याण्डका लागि क्रिस वोक्स र आदिल राशिदले समान ३/३ विकेट लिए भने जोफ्रा आर्चरले २ र वुडले एक विकेट लिए । आजको विजेताले उपाधिका लागि न्यूजिल्याण्डसंग प्रतिस्पर्धा गर्नेछ ।
