अमेरिकामा एउटा घरमा चारजना नेपाली मृत फेला परेका छन् । भर्जिनियाको मानसास पार्कमा रहेको एक घरमा बिहीबार चारजना नेपाली मृत फेला परेका हुन् । मृत्यु हुनेमा दुई वर्षीय बालक, आठ वर्षीया बालिका, ३८ वर्षका सन्तोष परियार र ३६ वर्षकी अञ्जु श्रेष्ठ रहेका एनबीसीवासिङटन अनलाइन समाचारमा उल्लेख छ ।
प्रहरीका अनुसार छिमेकीहरूले बताएअनुसार उनीहरू ६ महिनाअगाडि नेपालबाट अमेरिका गएका थिए । चारै जनाको शरीरमा गोली लागेको स्पष्ट चोट छ । गोली लागेका कारण मृत्यु भएको प्रहरीले जनाएको छ । घटनास्थलबाट बन्दुक बरामद भएको छ ।
