देशकै अग्रणी तथा ठुलो नेटवर्क सेवा प्रदायक कम्पनी क्लासिक टेकले व्यापार व्यवसायलाई मध्यनजर ‘इन्टरप्राइज प्रो इन्टरनेट स्पीड’ सार्वजनिक गरेको छ । क्लासिक टेकले एक हजार एमबीपीएस अर्थात् १ जिबिपीएस ‘इन्टरप्राइज प्रो इन्टरनेट स्पीड’ सार्वजनिक गरेको छ ।
यसमा पब्लिक आइपी एडरेस, एलटु सपोर्ट, वाइफाइ ६ राउटर निःशुल्क रहेको क्लासिक टेकले जनाएको छ । विशेष गरि धेरै प्रयोगकर्ता भएको व्यवसाय जस्तैः होस्टेल, स्कूल, हस्पिटल, आईटी कम्पनी, कन्सल्टेन्सी, होटल आदिहरुलाई मध्यनजर गर्दै यो प्याकेज सञ्चालन गरिएको कम्पनीले जनाएको छ । साना इन्टरनेट स्पीडले धेरै प्रयोगकर्ता इन्टरनेटमा जोडिदा प्रायः स्पीड कम हुने भएकोले धेरै प्रयोगकर्तालाई सपोर्ट गर्न सक्ने इन्टरनेट स्पीडको माग अनुसार ‘इन्टरप्राइज प्रो इन्टरनेट स्पीड’ प्याकेज सार्वजनिक गरिएको हो ।
१ जिबिपीएसको मूल्य एकदमै कम रहेको र हाल अफर समेत राखिएको कम्पनीले जनाएको छ । यसको प्याकेज मासिक ७ हजार २९९ रुपैयाँबाट शुरु हुन्छ । यति मात्र नभई ५०० एम बिपीएसको ‘इन्टरप्राइज प्रो’ पनि सार्वजनिक गरेको हो । यस अन्तर्गत यो सेवा ग्राहकको लागि काठमाडौँ लगायत देशको प्रमुख सहरहरुमा सेवा सुचारु भइ सकेको कम्पनीले बताएको छ ।
