चितवनमा गोली लागेर एक सैनिक जवानको मृत्यु भएको छ । चितवन रास्टिय निकुञ्ज भित्रको श्री नयाँ गोरखगण कसरा ब्यारेकमा कार्यरत सैनिक जवान चन्द्र किशोर दास थारुलाई आफ्नै हतियारबाट बिहान ९:३० बजेको समयमा गोली लागेको थियो ।
उनको उपचारको क्रममा आज दिउँसो ४ बजे चितवन मेडिकल कलेज भरतपुरमा मृत्यु भएको नेपाली सेनाका प्रवक्ता गौरव कुमार केसीले जानकारी दिए । दाहिने तिघ्रामा गोली लागेका थारुको अत्याधिक रक्तस्रावका कारण मृत्यु भएको केसीले जानकारी दिए ।
उनका अनुसार बिहान गस्ती गरेर फर्किएका थारुले हतियार मिलाउने क्रममा असावधानी अपनाउदा तिघ्रामा गोली लागेको थियो ।
