स्थानीय तह उपनिर्वाचन अन्तर्गत उपप्रधान तथा सहरी विकास मन्त्री प्रकाशमान सिंहले मतदान गरेका छन् । उनले काठमाडौँ महानगरपालिका वडा नम्बर १६ स्थित नेपाल युवक मावि पकनाजोल मतदान केन्द्र पुगेर मत हालेका हुन् ।
मतदानपछि संक्षिप्त प्रतिक्रिया दिँदै मन्त्री सिंहले मतदाताहरूलाई आफ्नो मताधिकार प्रयोग गरेर राम्रो वडाध्यक्ष चयन गर्न आग्रह गरे ।
उनले बिहान काठमाडौँको मौसम ठण्डा भएकाले घाम लागेपछि मतदाताहरूको संख्या बढ्ने भन्दै चुनावी व्यवस्थापनपक्ष राम्रो भएको बताए ।
