भरतपुर महानगरपालिका–९ बसन्तचोकस्थित पूर्व–पश्चिम राजमार्गमा सोमवार साँझ मोटरसाइकल, अटो र ट्रक आपसमा ठोक्किँदा दुई जना घाइते भएका छन् । तीन वटै सवारी साधनका चालकलाई प्रहरीले पक्राउ गरेको छ ।
टाँडीबाट भरतपुरतर्फ आउँदै गरेको ना ५० प २८३३ नम्बरको मोटरसाइकल, बागमती प्रदेश०३–००१ ह २०३९ नम्बरको अटो र सोही दिशाबाट आईरहेको ना ६ ख ६९७५ नम्बरको ट्रक एक आपसमा ठक्कर खाई दुर्घटना भएको थियो ।
दुर्घटनामा परी अटोमा सवार रुपन्देही सैनामैना नगरपालिका–४ बस्ने वर्ष ४८ को गोपी चन्द्र अर्याल (अवस्था मध्यम) र मोटरसाइकलमा सवार भरतपुर–९ बस्ने वर्ष ४८ की लक्ष्मी जोशी (अवस्था मध्यम) घाइते भएका छन् । उनीहरुको भरतपुर अस्पतालमा उपचार भइरहेको जिल्ला प्रहरी कार्यालय चितवनले जानकारी दिएको छ ।
अटो चालक ईलाम घर भई हाल भरतपुर–७ बस्ने वर्ष ५९ को राजेन्द्र सुवेदी, ट्रक चालक मोरङ बस्ने वर्ष ५५ को बालकुमार मगर र मोटरसाइकल चालक भरतपुर–९ बस्ने वर्ष ४५ को शेक लोहनीलाई प्रहरीले नियन्त्रणमा लिएको छ ।
