चितवन शक्तिले एभरेस्ट महिला भलिबल लिगमा विजयी सुरूवात गरेको छ । चितवनले सोमबार त्रिपुरेश्वरस्थित राष्ट्रिय खेलकुद परिषद् राखेप कभर्डहलमा गण्डकी थन्डर्सविरुद्ध ३–१ सेटको जित निकाल्यो।
पहिलो सेट २५–२२ ले जितेको चितवनले दोस्रो सेट १९–२५ ले गुमायो। त्यसपछिका दुई सेट २५–२३, २५–१८ ले आफ्नो पक्षमा पार्दै चितवनले ३ अंक जोड्यो।
सोमबारै ललितपुर क्विन्सले काठमाडौं स्पाइकर्स तथा कर्णाली यसभिसले मधेश युनाइटेडलाई समान ३–१ को सेटमा पराजित गरेका थिए।
आज गण्डकीले कर्णाली र चितवनले काठमाडौंको सामना गर्नेछन्।
