नेपाल पत्रकार महासंघका केन्द्रीय अध्यक्ष विपुल पोखरेलले राजीनामा दिएको केही दिनमै कार्यबाहक अध्यक्षको जिम्मेवारी पाएका रमेश विष्टले पनि राजीनामा दिएका छन् । सदस्यता शुद्धीकरणमा देखिएको जटिलताबाट निर्वाचन सम्पन्न गर्न सम्भव नभएपछि विष्टले राजीनामा दिएका हुन् ।
विष्टले राजीनामाको बोधार्थ महासंघका उपाध्यक्ष बाला अधिकारी र महासचिव रोशन पुरीलाई दिएका छन् । महासंघको विधि विधान र संरचनालाई लत्याएर पत्रकारिता नगरेका र फारम नभरेका करिब ४ सय व्यक्तिलाई सदस्यता दिएको असन्तुष्ट हुँदै राजीनामा दिएको विज्ञप्तिमा उल्लेख गरेका छन्।
पछिल्लो समय पछिल्लो निर्वाचन तालिका अनुसार असोज ४ गते केन्द्रको मनोनयन दर्ता गर्ने तालिका थियो । तर सदस्यता विवरण सार्वजनिक भएपछि ३० भन्दा बढी जिल्ला समितिले विज्ञप्ती निकालेर बिरोध जनाएका थिए । त्यसपछि निर्वाचन प्रक्रिया झनै अन्यौल बनेको छ ।
