आईसीसी क्रिकेट विश्वकप लिग–२ प्रतियोगितामा आज नेपाल र ओमान भिड्दै छन् । नेपाल र ओमानबीचको खेल नेपाली समयअनुसार राति ८ः४५ बजे सुरु हुनेछ ।
क्यानडा भ्रमणमा रहेको नेपाली क्रिकेट टिमले खेल्न लागेको यो दोस्रो खेल हो । यसअघि सोमवार भएको पहिलो खेलमा नेपाल क्यानडासँग १०३ रनले पराजित भएको थियो । बलिङ र व्याटिङ दुवै कमजोर हुँदा नेपालको लज्जास्पद हार भएको थियो ।
आफ्ना कमजोरी सुधार गर्दै ओमानमाथि जित हासिल गर्ने लक्ष्यमा नेपाली टिम रहेको छ ।
एक दिवसीय अन्तर्राष्ट्रिय क्रिकेटमा नेपाल र ओमानबीच हालसम्म सात वटा मात्रै खेल भएका छन् । तीमध्ये चार खेलमा ओमानले नेपाललाई हराएको छ भने तीन खेलमा मात्रै नेपालले ओमानलाई हराएको रेकर्ड छ ।
