चितवनको कालिका नगरपालिकामा भोली (मंगलबार) देखि प्रथम राष्ट्रिय युवा संघ नेपाल कप खुल्ला ११ ए साईड फुटवल प्रतियोगिता २०८१ हुँदैछ । राष्ट्रिय युवा संघ नेपाल कालिका वडा नं ७ ले प्रतियोगिता आयोजना गर्न लागेको हो । प्रतियोगिताको नगर प्रमुख विनोद रेग्मीले उद्घाटन गर्नुहुने कार्यक्रम छ ।
प्रतियोगितामा चितवन, नवलपुर, तनहुँ, मकवानपुरका गरी १२ टिमले भाग लिएका छन् । सहभागि टिम मध्ये विजयी हुने समुह मध्ये प्रथम हुने टिमले पुरस्कार स्वरुप ५० हजार रुपैयाँ नगद प्राप्त गर्नेछन् । यस्तै द्धितीय हुने टिमले नगद २५ हजार रुपैयाँ पुरस्कार स्वरुप प्राप्तग र्ने छन् । विजयी हुने टिमलाई शिल्ड, मेडल, प्रमाणपत्र सहित नगद प्रदान गरिनेछ ।
यस्तै सर्वाधिक गोलकर्ता र गोलकिपरलाई मेडल तथा ट्रफी प्रदान गरिनेछ ।
प्रतियोगिताको सम्पूर्ण तयारी पुरा भएको आयोजक राष्ट्रिय युवा संघ नेपाल, कालिका वडा नं. ७ का अध्यक्ष रुपेश सुनारले जानकारी दिए । प्रतियोगिता वडा नं. ७ कै सगुन विकास समाजको खेलमैदानमा आयोजना हुनेछ ।
