बागलुङको गलकोट नगरपालिका–२ भुङ्खानीमा रा १ झ २०० नम्बरको सरकारी गाडी दुर्घटना भएको छ । प्रहरी चौकी नरेठाँटी बागलुङका अनुसार आज बिहान पौने ९ बजे दुर्घटना भएको हो ।
दुर्घटनामा परी दुई महिला र एक पुरुषको घटनास्थलमै मृत्यु भएको प्रहरीले जानकारी दिएको छ ।
घाइते एक जनाको धौलागिरि अस्पताल बागलुङमा उपचार भइरहेको छ । उनको अवस्था गम्भीर रहेको छ ।
पीकअप गाडी सडक देखी करिब ३०० मिटर तल खसेको प्रहरीको अनुमान छ । प्रहरीले अहिलेसम्म मृतकको पहिचान नखुलेको जनाएको छ । शव भीरमा भएकाले उद्धारमा कठिनाइ भएको छ ।
