थारु समुदायका महिलाहरुको महान् चाड ‘जितिया’ पर्व नजिकिदैछ । पछिल्लो समय थारु गीतसंगीत क्षेत्रमा जितिया पर्वले निकै राम्रो स्थान पाउन थालेको छ ।
युवा कलाकारहरुले जितिया पर्वको अवसरमा नयाँ–नयाँ गीतहरु बजारमा ल्याईरहेका छन् । यसैक्रममा चितवनका गायक विश्व चौधरी, प्रकाश चौधरीलगायतको स्वरमा ‘पावनी जितिया–२’ बोलको गीत बजारमा आएको छ ।
सेबिल इन्टरटेनमेण्टको युट्युव च्यानलबाट उक्त गीत सार्वजनिक गरिएको हो । यस गीतमा विश्व र प्रकाशसंगै समीक्षा र रितु चौधरीको स्वर रहेको छ । गीतलाई उपेन्द्र चौधरी (अविरल जिज्ञासु)ले लेखेका हुन् । सार्वजनिक गीतको भिडियोमा कलाकालहरु देव महतो, मुस्कान चौधरी, बिर चौधरी र स्वेच्छा चौधरीको अभिनय देख्न सकिन्छ ।
रमेश चौधरी र विक्रम चौधरी (म्याडम्याक्स)ले छायाँकन गरेको भिडियोलाई सुरेश चौधरीले सम्पादन गरेका छन् । भिडियोलाई चर्चित निर्देशक हिरा चौधरीले निर्देशन गरेका छन् भने सहायक निर्देशनमा नितेशजंग चौधरीले काम गरेका छन् ।
