गठ्ठाघर दुर्घटनामा पक्राउ परेका ट्रक चालकलाई कारागार चलान गरिएको छ । भक्तपुरको गठ्ठाघरमा स्कुटरलाई ठक्कर दिने ट्रक चालकलाई कारागार चलान गरिएको हो ।
साउन ३१ मा भएको दुर्घटनामा परेर ओखलढुंगाको चिसंखुगढी गाउँपालिका–४ घर भएका उत्तम कोइरालाले मृत्यु भएको थिए । ना६ख २१७३ नम्बरको ट्रक चालक सर्लाही घर भएका ३२ वर्षीय सतेन्द्र श्रेष्ठलाई अदालतको आदेश अनुसार पुर्पक्षका लागि कारागार चलान गरिएको जिल्ला प्रहरी परिसर भक्तपुरका डीएसपी मोहनमणि अधिकारीले बताए ।
बा४९प ८९४४ नम्बरको स्कुटरलाई श्रेष्ठले चलाएको ट्रकले ठक्कर दिँदा कोइरालाको मृत्यु भएको थियो ।
