चितवनको भरतपुर महानगरपालिका वडा नम्बर १ स्थित पोखरा बसपार्कमा बेबारिसे अवस्थामा फेला परेकी बालिकाको परिवार सम्पर्कमा आएका छन् । प्रहरीले बालिकालाई परिवारको जिम्मा समेत लगाएको छ । जिल्ला प्रहरी कार्यालय चितवनले आज साँझ साढे सात बजे छिमेकी सहित आएकी आमालाई बालिका जिम्मा लगाएको हो । प्रहरीका अनुसार उनी बालिका भरतपुर १ पोखरा बसपार्ककी हुन् । नाम थर बताउन नसक्ने २ वर्षिय बालिकालाई जिल्ला प्रहरी कार्यालय चितवनले सोमबार दिउँसो १२ बजे उद्वार गरेको थियो ।
