गोरखामा पहिरो परी घाइते भएकाको हेलिकप्टरबाट उद्धार गर्ने तयारी भएको छ । उत्तरी गोरखाको धार्चे गाउँपालिका वडा नम्बर ५ को रेसेफाँटमा लेदो सहितको पहिरोमा परी घाइते भएकाको उद्धार हेलिकप्टरबाट गर्ने तयारी भएको हो ।
शनिबार रातिको पहिरोमा परी पाँच जना बेपत्ता र दुई जना घाइते भएको विवरण पाएकोले हाल घाइतेको हेलिकप्टर मार्फत् उद्धार गर्ने तयारी भइरहेको गाउँपालिका उपाध्यक्ष सुनीला गुरूङले जानकारी दिइन्।
गाउँपालिकाको केन्द्रबाट घटनास्थल दुई घन्टा टाढा र निकै विकट ठाउँमा भएकोले उद्धारमा कठिनाइ भएको उनले बताइन् ।
