भारतीय उद्दार टोलीले घटनास्थल सिमलतालस्थित त्रिशुली नदीमा हराइरहेको बसको खोजी कार्यमा प्रयोग गरिएको ठूलो चुम्बक नै पानीले बगाएको छ ।
आज दिउँसो खोजी कार्य गर्ने क्रममा १९ किलोको चारपाटे चुम्बक नै पानीले बगाएको उद्दारमा खटिएको टोली स्रोतले नारायणी अनलाइनलाई जानकारी दियो । उक्त चुम्बक खोज्न खोजीकार्य टोली देवघाटसम्म पुगेको थियो । तर चुम्बक फेला पर्न सकेन । चुम्बकसंगै लाइफ ब्वाई ट्युव समेत पानीले बगाएको छ ।
लाइफ ब्वाई ट्युव पानीमा मानिस डुबेको बेला उद्दारको लागि प्रयोग गरिन्छ । भारतीय टोलीले शनिबार १९ केजी र १४ केजीको दुई वटा चुम्बक प्रयोग गरेर खोजी गरेको थियो ।
