प्रधानमन्त्री केपी शर्मा ओलीले नराम्रो रूपमा लिन्छन् भनेर आफ्नो कार्यक्रममा नेपाली कांग्रेस सभापति शेरबहादुर देउवा नआएको नेकपा एकीकृत समाजवादीका अध्यक्ष माधव नेपालले बताएका छन् । पुष्पलालको जन्म शताब्दीको अवसरमा आयोजित कार्यक्रममा बोल्दै उनले मन भएपनि ओलीले नराम्रो सोच्नसक्ने भएकाले देउवा नआएको बताएका हुन् ।
नेता नेपालले भने, ‘हामीले नेपाली कांग्रेसका सभापति शेरबहादुर देउवाजीलाई पनि बोलाएका थियौं । शेरबहादुरजी आत्तिनुभएको होला, यहाँ आयो भने केपी ओलीले नकारात्मक रुपमा लिन्छन् कि भन्ने ठान्नुभएको होला । हामी बुझ्दछौं सबै कुरा । यो मुटुको धड्कन अलिअलि बुझिहालिन्छ, त्यसैले केही फरक पर्नेवाला छैन, उहाँ आउन पाए पनि नपाए पनि भावना हामीसँग छ भन्ने ठानेका छौं । शरीर त्यही छ, मन यता पनि छ ।’
