रुपन्देहीको बुटवल उपमहानगरपालिका–१० बस्ने ५५ वर्षीय गनबहादुर विक दुई महिना भन्दा बढी समयदेखि सम्पर्कविहिन भएका छन् । मानसिक अवस्था ठिक नभएका विक गएको वैशाख २० गतेदेखि हराएका हुन् ।
उनी बुटवल–१० कालिकानगरबाट हराएको उनका जेठा छोरा सुरज विकले जानकारी दिए । आफ्नो बुबालाई फेला पार्ने वा देख्ने व्यक्तिले नजिकको प्रहरी कार्यालय वा ९८४६८५०५३९ वा ९८१९४९७८३६ मा खबर गरिदिन उनले अनुरोध गरेका छन् ।
उनको उचाई ५.४ इन्च र तौल अन्दाजी ५५ केजी रहेको परिवारले बताएको छ । गहुँगोरो वर्ण भएका उनी नेपाली सेनाको जागिरबाट अवकाश पाएपछि घरमै बस्दै आएका थिए । परिवारका सदस्यहरुसँग रिसाउने र झर्कने स्वभावका उनले मानसिक स्वास्थ्यको औषधी सेवन गर्दै आएका थिए ।
प्रहरीले खोजी भइरहेको छ भन्ने मात्रै जवाफ दिएपछि आफ्नो बुबाको खोजीमा सहयोग गरिदिनका लागि सञ्चारमाध्यम मार्फत अनुरोध गरेको उनका छोरा सुरज विकले बताए ।
