हिन्दु नेपाली महिलाहरुको महान् चाड हरितालिका तीज नजिकिदैछ । यसैको छेकोमा नयाँ–नयाँ तीज गीतहरु बजारमा सार्वजनिक हुन थालेका छन् ।
लोकदोहोरी क्षेत्रका चर्चित गायक पशुपति शर्मा र सम्झना भण्डारीको स्वरमा ‘घरझगडा–७’ तीज गीत सार्वजनिक गरिएको छ । यस गीतमा पशुपति र सम्झनासंगै यज्ञ सापकोटा, अर्जुन सापकोटा, सीता केसीसंगै चितवनकी चेली सुनिता सुनारले स्वर भरेकी छन् । यस गीतको भिडियो यज्ञ सापकोटाको युट्युव मार्फत सार्वजनिक गरिएको हो ।
टंक डुम्रेको शब्द रहेको गीतमा यज्ञ सापकोटाले संगीत भरेका छन् भने कृष्ण केसीले एरेञ्ज गरेका छन् । गीतको भिडियोमा सुरविर पण्डित, रमा थपलिया, यज्ञ सापकोटा, आयुष्मा कार्की, अर्जुन सापकोटा र सरस्वती फुयाँलको अभिनय रहेको छ । विरेन्द्र भट्टले छायाँकन गरेको भिडियोलाई विकास ज्ञवालीले सम्पादन गरेका छन् ।
