Breaking News

चितवनबाट करिब ११ हजार विद्यार्थीले एसईई दिँदै, ६३० सुरक्षाकर्मी परिचालन

Banner

चितवन, चैत १५-

आजदेखि सुरु हुन लागेको माध्यमिक शिक्षा परीक्षा (एसईई)मा चितवनका करिब ११ हजार विद्यार्थी सहभागी हुँदै छन् ।

बिहान ८ बजेदेखि सुरु हुने एसईईमा चितवन जिल्लाबाट ५ हजार ५९१ छात्र र ५ हजार ३३२ छात्राले परीक्षा दिँदैछन् । परीक्षा तीन घण्टाको हुनेछ ।

एसईई परीक्षा शान्तिपूर्ण र भयरहित वातावरणमा सञ्चालन गर्न चितवनमा ६३० सुरक्षाकर्मी परिचालन गरिने प्रमुख जिल्ला अधिकारी भूपेन्द्र थापाले जानकारी दिए । एसईई परीक्षाका लागि जिल्लामा ४२ वटा केन्द्र तोकिएको छ ।

शिक्षा विकास समन्वय इकाइ भरतपुरका प्रमुख भूमिलाल सुवेदीका अनुसार भरतपुर महानगरपालिकामा २२, रत्ननगर नगरपालिकामा सात, खैरहनी नगरपालिकामा चार, माडी नगरपालिकामा दुई, राप्ती नगरपालिकामा तीन र कालिका नगरपालिकामा दुई र इच्छाकामना गाउँपालिकामा दुई वटा परीक्षा केन्द्र छन् ।

चितवनका २३४ वटा विद्यालयले एसइई परीक्षामा सहभागिता जनाउने छन् । जसमा सामुदायिक विद्यालयतर्फ १०८ र संस्थागततर्फ ११८ विद्यालय छन् ।

यसपटक प्राविधिक धारतर्फका सात वटा विद्यालयका विद्यार्थी एसर्इई परीक्षामा सहभागी हुँदै छन् । त्यस्तै, सातवटा संस्कृत विद्यालयबाट ४७ जना विद्यार्थीहरुले पनि एसर्इईमा सहभागिता जनाएका छन् ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

छुटाउनु भयो कि?

>