चितवनमा विगत २४ घण्टामा कोरोना संक्रमण शून्यमा झरेको छ ।
दोस्रो लहर सुरु भएपछि कुनै पनि संक्रमित नथपिएको आज पहिलो पटक हो ।
स्वास्थ्य कार्यालय चितवनले उपलब्ध गराएको तथ्यांक अनुसार चितवनको कुनै पनि स्थानीय तहमा आज कोरोना संक्रमित नदेखिएका हुन् । सातै स्थानीय तहमा कुनै पनि संक्रमित भेटिएको छैन ।
चितवनमा यसअघि परीक्षण भएर आइसोलेसनमा रहेका सक्रिय संक्रमितको संख्या भने ६०७ जना रहेको छ । जसमध्ये घरमा आइसोलेसनमा ५७५ जना र घरमा आइसोलेसनमा ३२ जना रहेका छन् । चितवनमा आज थप एक जनासहित कोरोना संक्रमणको कारणले ४११ जनाले ज्यान गुमाएका छन् भने आजसम्म २५ हजार ५२२ जना संक्रमित भएका छन् ।
