नेपालमा आज (शुक्रबार) थप २० जनामा कोरोना संक्रमण पुष्टि भएको छ । योसंगै संक्रमितको संख्या ५०७ पुगेको छ ।
कैलालीका तीन जना, डडेलधुराका एक जना पुरुष, बैतडीका एक जना, बाँकेका १४ जना र मोरङका एक जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा.विकास देवकोटाले जानकारी दिए ।
संक्रमित हुनेहरुमा कैलालीको जानकी गाउँपालिकाका १९, २३ र २६ वर्षीय ती जना पुरुषहरु रहेका छन् । उनीहरु सरस्वती माविको क्वारेन्टिनमा रहेका छन् । यस्तै परशुराम–१०, डडेलधुराका २८ वर्षीय पुरुष, बैतडी शिवनाथ–१ का २२ वर्षीय पुरुष, रतुवामाई मोरङका ४१ वर्षीय पुरुषमा कोरोना संक्रमण पुष्टि भएको छ । यस्तै बाँकेको नरैनापुर गाउँपालिकाका १३ जनामा संक्रमण पुष्टि भएको छ भने राप्ती सोनारीका एक जना १८ वर्षीय पुरुषमा संक्रमण पुष्टि भएको छ ।
यस्तै आज कोरोना संक्रमणबाट निको भएर घर फर्किनेको संख्या ७० पुगेको छ । यस्तै आज विहान मात्रै ३० जनामा नयाँ संक्रमण पुष्टि भएको थियो । योसंगै आज दिउँसो सम्ममा एकैदिन संक्रमितको संख्या ५० पुगेको छ ।
