राष्ट्रियसभामा नेकपाका सांसद रामनारायण बिडारीले कोरोना संक्रमण फैलिनुमा प्रमुख जिल्ला अधिकारी (सीडीओ)हरूको दोष रहेको आरोप लगाएका छन् ।
सीडीओले तास खेल्दाको र रक्सी खाँदाको साथी जम्मैलाई पास दिएका कारण टोले गुण्डाले समेत पास लिएर गाडीको रवाफ देखाएको आरोप लगाएका हुन् ।
बुधवार बसेको राष्ट्रिय सभा बैठकको विशेष समयमा नेकपामा रामनारायण बिडारीले किसानका सामान राज्यले खरिद गरेर बजारीकरणको व्यवस्था गर्ने र उनीहरूलाई घरबाट बाहिर निस्कन नदिन आग्रह गरेका हुन् ।
‘अहिले त रद्द भयो क्यारे, सीडीओेसापले पास दिएछन्, कोरोना फैलिनुमो सीडीओे दोषी छ । तास खेल्दाको साथी, रक्सी खाँदाको साथी जम्मैलाई पास दिए । टोलका २ चार पैसा भएका गुण्डा समेत पास लिएर गाडिमा हिँड्ने, जनतालाई सास्ती ?’ उनले प्रश्न गरे ।
बिडारीले एकहजार गाडी नियन्त्रणमा लिएर किसानका तरकारी फलफूल सर्लक्क उठाएर बजार ल्याएर बेच्ने प्रबन्धका लागि सरकारसँग आग्रह गरे ।
‘सरकारले हजारवटा गाडी भाडामा लिएर गाउँमा किसानका तरकारी खरिद गर्ने र उनीहरूलाई मल पुर्याउने व्यवस्था गरोस्, किसानको सामान शहरमा ल्याएर बेच्ने काम गरोस् । उता दूध पोख्नु पर्ने, चल्ला मार्नुपर्ने, यता शहरमा कोरोना मिसिएको भारतीय चिवविज खानु पर्ने’ बिडारीले भने, ‘यति गर्दा भारतीय सामान नेपालम आउन रोकिन्छ । आयात घटन सक्छ हामी आत्मनिर्भर बन्छौं । यति काम गर्न सरकारले सक्दैन ?’
उनले सरकारलाई हाम्रो र अर्काको भनेर नसोची काम गर्न सुझाव दिए। ‘कोही हाम्रा होइनन्, हामी कसैका होइनौं र हामी सत्य र ठिकका र सत्य र ठिक हाम्रो यही नारा सरकारले दिन सकोस्’ उनले भने।
