शुक्रबार पहिलोपटक दाङमा तीन जनामा कोरोना भाइरस (कोभिड–१९) संक्रमण पुष्टि भयो । ती मध्ये दुई जना दाङमै छन् भने एक जना काठमाडौंमा रहेको खुलेको छ ।
तुलसीपुर उपमहानगरपालिका–७ निवासी ३४ वर्षीय ती संक्रमित पुरुष काठमाडौंमा रहेको उपमहानगरपालिकाका प्रमुख घनश्याम पाण्डेले जानकारी दिए । उनका अनुसार ती पुरुष काठमाडौंको महाराजगञ्जस्थित त्रिवि शिक्षण अस्पताल (टिचिङ अस्पताल)मा कार्यरत स्वास्थ्यकर्मी रहेको खुलेको छ ।
उनलाई बिरामीको उपचार गर्ने क्रममा संक्रमण भएको अनुमान छ ।
