पूर्वी नवलपरासीस्थित देवचुलीका एक जनामा कोरोना भाइरस (कोभिड–१९) संक्रमण पुष्टि भएको छ ।
चितवनको भरतपुर कोभिड–१९ परीक्षण प्रयोगशालामा गरिएको परीक्षणमा देवचुली नगरपालिका–१२ का ४९ वर्षीय एक जना पुरुषमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसंगै पूर्वी नवलपरासी पनि कोरोना संक्रमित जिल्लामा थपिएको छ । कुल संक्रमितको संख्या २४६ पुगेको छ ।
संक्रमित पुरुष अहिले भरतुर कोरोना विशेष (अस्थायी) अस्पतालको आइसोलेसन कक्षमा रहेका छन् । उनको स्वास्थ्य अवस्था सामान्य रहेको भरतपुर अस्पतालका प्रमुख मेसु डा.श्रीराम तिवारीले जानकारी दिए ।
