नेपाल एयरलाइन्सको वाइडबडी ब्रिसबेनपछि आज (बुधबार) सिड्नी उडेको छ ।
वाइडबडी ए३३० जहाज पूर्ण क्षमतामा यात्रु बोकेर अष्ट्रेलियाको सिड्नीका लागि उडेको हो । त्रिभुवन विमानस्थलबाट बुधबार सवा एक बजे उडेको यो जहाजमा अष्टे्रलिया र न्यूजिल्याण्ड २ सय ८१ जना यात्रु रहेको नेपालस्थित अष्ट्रेलियन दूतावासले उल्लेख गरेको छ ।
यो जहाज सिड्नी पुगेर नेपाल भने रित्तै र्फकनेछ । कोरोना भाइरसको संक्रमण भित्रने डरले नेपालले विदेशबाट नेपालमा यात्रु आउन प्रतिवन्ध लगाएको छ । नेपाल एयरलाइन्सको यो दोस्रो अष्टे्रलिया उडान हो ।
यस्तै नेपाल एयरलाइन्सको अर्को वाइडबडी जहाज भने आजै चीनको बेइजिङ उड्ने भएको छ । निजी व्यवसायीले मेडिकल सामान भित्राउन यो जहाज चार्टर्ड गरेका छन् ।
