नेपालगञ्जमा थप सात जना कोरोना संक्रमण पुष्टि भएको छ ।
नेपालगञ्ज उपमहानगरपालिका–८ निवासी २२, ३० र ४० वर्षका पुरुष र ९, ३२, ३४ र ५५ वर्षीया महिलाहरुमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । भेरी अस्पताल नेपालगञ्जको प्रयोगशालामा भएको परीक्षणमा उनीहरुमा कोरोना संक्रमण पुष्टि भएको हो ।
यससँगै नेपालमा कोरोना भाइरसबाट संक्रमित भएकाहरुको संख्या ८२ पुगेको स्वास्थ्य तथा जनसंख्या मन्त्रालयले जनाएको छ ।
