चितवन, मंसिर २६–

बहुप्रतिक्षित चलचित्र ‘म यस्तो गीत गाउँछु २’ को नयाँ गीत सार्वजनिक भएको छ । पल शाह र पुजा शर्मा अभिनित यस चलचित्रको ‘तिम्रो घरको वारीपारि…’बोलको रोमान्टिक गीत सार्वजनिक भएको हो ।

अर्जुन पोखरेलको शब्द र संगीत रहेको गीतमा सोनम टोपदेन र नेपाल आइडलबाट उदाएकी गायिका अस्मिता अधिकारीको आवाज रहेको छ । पूजा शर्मा र सुदर्शन थापाले नै निर्माण गरेको गरेको यस चलचित्र आउँदो फागुन २३ गतेदेखि देशभर प्रदर्शनमा आउँदैछ । यस चलचित्रलाई सुदर्शन थापाले निर्देशन गरेका थिए ।