चितवनको पर्यटकीय क्षेत्र सौराहामा एक होटलको स्वीमिङ पुलमा डुबेर एक जनाको मृत्यु भएको छ ।
आज (शनिबार) रत्ननगर नगरपालिका– ६ सौराहाको होटल रेन फरेस्टको स्वीमिङ पुलमा डुबेर काठमाण्डौ बुढानिलकण्ठ नगरपालिका–४ नारायणथान बस्ने ४८ वर्षीय छन्दबहादुर थापाको मृत्यु भएको जिल्ला प्रहरी कार्यालय चितवनका प्रवक्ता एकनारायण कोइरालाले जानकारी दिए ।
स्वीमिङ गर्न जाने क्रममा डुबेर गम्भिर घाइते भएका थापाको उपचारको क्रममा आज राती ८ः३५ बजेको समयमा मृत्यु भएको प्रहरीले जनाएको छ । घटनाको विषयमा थप अनुसन्धान भइरहेको प्रवक्ता कोइरालाले बताए ।
