नेपाल टेलिकम वर्कस युनियनको २८ औँ स्थापना दिवस चितवनमा विविध कार्यक्रम गरी मनाइएको छ ।
टेलिकम चितवन इकाई समितिले कार्यालय परिसरमा वृक्षरोपण गरी स्थापना दिवस मनाएको छ । सो क्रममा फलफूलका बिरुवा रोपिएका छन् । त्यस्तै भरतपुरमा रहेको ‘आमाको माया छात्राबास’मा दुई दिनको खाना खुवाइएको इकाई उपाध्यक्ष सुरेश अधिकारीले जनाकारी दिए ।
यस्तै स्थापना दिवसको अवसरमा टेलिकम कार्यालयमा शुभकामना आदानप्रदान कार्यक्रम समेत गरिएको छ । कार्यक्रममा युनियनका केन्द्रीय सदस्य राजेन्द्रबहादुर श्रेष्ठ, कार्यालय प्रमुख दिपककुमार साह, नेपाल राष्ट्रिय दुरसञ्चार कर्मचारी संगठनका इकाई अध्यक्ष निलकमल बुर्जामगरले शुभकामना मन्तव्य व्यक्त गरेका थिए । कार्यक्रम इकाई अध्यक्ष शर्मिला खनालको अध्यक्षतामा सम्पन्न भएको थियो।
