चितवनमा वातावरण संरक्षणमा सचेतना जगाउन र साइकल चढ्ने संस्कृतिलाई प्रवद्र्धन गर्नलाई नविन खरेलको अध्यक्षतामा ११ सदस्यीय साइकल राइडर्स क्लब गठन भएको छ ।
क्लबको उपाध्यक्षमा पदमबहादुर बानिया, सचिवमा जनककुमार ढकाल, कोषाध्यक्षमा धर्मराज सापकोटा, सहसचिवमा रामचन्द्र सुवेदी रहेका छन् । त्यस्तै क्लबको सदस्यहरुमा सञ्जय श्रेष्ठ, रोशन पौडेल, पञ्चु घले, पुरन सुवेदी, रुक्मिणी सापकोटा घिमिरे रहेका छन् ।
क्लब गठन कार्यक्रममा उद्योग वाणिज्य संघ चितवनका अध्यक्ष सहनलाल प्रधानले नवनिर्वाचित पदाधिकारीलाई बधाई तथा शुभकामना दिएका थिए । निर्वाचन समितिका संयोजक निरञ्जन प्रधानको संयोजकत्वमा भएको भेलामा उद्योग वाणिज्य संघका वरिष्ठ उपाध्यक्ष चुननारायण श्रेष्ठ र प्रथम उपाध्यक्ष सुमनकुमार श्रेष्ठको उपस्थिति रहेको थियो ।
