प्रदेश नम्वर ३ का मुख्यमन्त्री डोरमणि पौडेलले भरतपुर ११ मा निर्माणाधिन गणेशधामको स्थलगत निरिक्षण गरेका छन् । बुधबार उनले गणेशधामको मन्दिर क्षेत्र र तलाउ क्षेत्रको निरिक्षण गरेका हुन् ।
प्रदेश सरकारबाट विनियोजित ८० लाखको ड्याम र पर्खालको निर्माण सोचेभन्दा राम्रो भएको उनले बताए । पहिलो पटक आउँदा नै म यस ठाँउबाट प्रभावित भएको थिएँ,मुख्यमन्त्री पौडेलले भने,त्यो समयमा नै केही गर्न सकिन्छ भन्ने मलाई लागेको थियो । उहाले देशमा प्रशस्त सम्पदाहरु भएपनि संरक्षण गर्न नसकिएको बताए । उनले पहिलो बर्षमा थोरै बजेटबाट पनि राम्रो काम भएको भन्दै यसबर्ष पनि प्रदेश सरकारले राम्रै सहयोग गर्ने बताए ।
उनले देवघाट र सौराहासंग जोडेर गणेशधामलाई वृहत्तर धामको रुपमा विकास गर्नुपर्नेमा जोड दिए । गणेशधाममा भएको प्रगतिबारे प्रदेश सांसद विजय सुवेदीले मुख्यमन्त्री पौडेललाई जानकारी गराउनुभएको थियो । सो अवसरमा वडा नम्वर ११ का वडाध्यक्ष बाबुराम अधिकारी,गणेशधाम क्षेत्र संरक्षण संबद्र्धन समितिका अध्यक्ष दिनेश कुमार चुके लगाएतको उपस्थिति रहेको थियो ।
