पोखरामा पेन गन फेला परेको छ । कलम जस्तै देखिने गन र त्यसमा लाग्ने सात राउन्ड गोली लागु औषध कारोबारीको साथबाट बरामद भएको हो ।
पोखरा उपमहानगरपालिका २४ कास्कीकोट भई पोखरा,७ बस्ने २४ वर्षका सागर रानाभाटको साथबाट पेन गन बरामद भएको कास्की प्रहरीले जनाएको छ । उनको कोठामा छापा मार्दा पेन गनसँगै लागुऔषधसमेत बरामद भएको प्रहरीले जनाएको छ ।
कास्की प्रहरीले लागु औषधविरुद्ध अभियान चलाइरहेको छ । त्यही क्रममा प्रहरीले निगरानी, नियन्त्रण लगायतका गतिविधि तीव्र पारेको छ ।
