चितवनको नारायणगढस्थित शहिदचोकमा आज (शुक्रबार) खुल्ला रक्तदान कार्यक्रम गरिएको छ ।
नारायणी मोटर्स, लायन्स क्लब अफ नारायणगढ बालकुमारी, लायन्स क्लब अफ नारायणगढ नारायणी, एभरेष्ट बचत तथा ऋण सहकारी संस्था लिमिटेड र ग्रेस इन्टरनेशनल चितवनको संयुक्त आयोजनामा खुल्ला रक्तदान कार्यक्रम भएको हो । कार्यक्रममा २० महिलासहित ८२ जनाले रक्तदान गरेको आयोजक ग्रेस इन्टरनेशनलका नारायणगढ प्रमुख गणेश लामिछानेले जानकारी दिए ।
हाल भईरहेको रगत अभावलाई मध्यनजर गर्दै आज कार्यक्रम गरिए पनि रक्तदान कार्यक्रम नियमित तीन/तीन महिनामा गरिदै आएको आयोजक एभरेष्ट बचत तथा ऋण सहकारी संस्था लिमिटेडका अध्यक्ष बाल गोपाल चुकेले जानकारी दिए ।
